تحليل خبير لغة الجسد لتصرفات محمد صلاح بعد مباراة ليفربول وبرايتون ورأيه في احتمالية رحيله

بعد مباراة ليفربول وبرايتون، لفتت تصرفات محمد صلاح انتباه خبراء لغة الجسد، واللي وصفوها وكأنها وداع. تصرفاته كانت محل نقاش كبير في الأوساط الرياضية.

صلاح شارك كبديل في مباراة برايتون اللي كانت يوم السبت، بعد تصريحاته اللي أثارت الجدل بعد مباراة ليدز يونايتد في الجولة اللي فاتت.

الأسبوع اللي فات، صلاح كان حديث الساعة، لما قال إن ليفربول كأنه تخلى عنه، وعلاقته بالمدرب مش زي الأول، بعد ما قعد على دكة البدلاء في ثلاث مباريات متتالية. وعشان كده، استبعدوه من مباراة إنتر ميلان.

دارين ستانتون، خبير لغة الجسد، قال إن تصرفات صلاح تدل على إنه ممكن يرحل عن ليفربول قريب، حسب تقرير من صحيفة “ميرور”.

في المباراة ضد برايتون، صلاح قدم تمريرة حاسمة وساهم في الفوز 2-0، لكن في نهاية المباراة، كان باين عليه التأثر، وحيا الجماهير في الملعب وكان من آخر اللاعبين اللي غادروا.

دارين ستانتون قال: “صلاح كان متأثر جدًا بعد مباراة برايتون، الموضوع كان زي رثاء، وبصراحة، مش متأكد إننا هنشوفه تاني هنا”.

ستنتون أضاف: “كانت دموعه واضحة وهو بيصفق للجماهير، وحسيت إنها كانت أغنيته الأخيرة هنا”.

وكمان قال: “رغم إنه مفيش حاجة رسمية، بس هو عارف جواه إنه مش هيرجع تاني، وأعتقد إنه هيمشي”.

وأشار: “تعابير صلاح كانت حزينة ومحبطه، واضح إنه مش مرتاح، وكان حزين جدًا، والدموع كانت في عينيه، وده واضح من وجهه”.