الأهلي يقترب من ضم البديل بعد إصابة يزن النعيمات الملقب بميسي بلده

كشف أحمد شوبير عن خيارات الأهلي لتعويض غياب يزن النعيمات، وتناول في حديثه أسماء لاعبين ممكن ينضموا خلال الفترة الجاية.

قال شوبير في برنامجه الإذاعي إن بعد إصابة يزن النعيمات، في بديل محتمل من الأردن، لكنه مش متأكد بنسبة 100%.

وأضاف إن في لاعب اسمه علي علوان، لاعب كويس، وهنشوف كيف الأمور هتمشي، لكن في اقتراحات للاعب شاب اسمه الفخوري، عمره 20 سنة، وبيسموه “ميسي الأردن”.

وتابع إن اللاعب كان جزء من منتخب الشباب ولعب لنادي الحسين إربد، وشارك في مباريات كتير وقدم أداء ممتاز.

وأشار إن اللاعب بيلعب في الجهة اليسرى، مش كرأس حربة أساسي، لكن علي علوان مواليد 2000 وعنده حوالي 25 سنة، وبيتحسن بشكل ملحوظ.

وأوضح إنه لعب في نادي الجزيرة الأردني والحسين من إربد، وبعدين مع الشمال والخور، وبعدها في سيلنجور الماليزي، وأخيرًا انتقل لنادي الكورمة العراقي بداية الموسم ده.

وذكر إن قيمته السوقية حوالي 450 ألف يورو، وشارك في 61 مباراة دولية، منهم 50 كأساسي و11 كبديل، وسجل 26 هدف.

وأكد إن الاسم ده مرشح، لكن لو سألت هل الأهلي يتفاوض معاه رسميًا؟ هقولك لأ، الأهلي ما تفاوضش معاه بشكل رسمي، لكنه من الأسماء اللي بتتردد بشكل مستمر.

واختتم إن الترشيحات دي بتظهر بشكل دائم في قوائم الأهلي، سواء من خبراء كرة القدم أو وكلاء اللاعبين، وكمان وظيفة الوكيل مش فيها أي عيب، لكن أحيانًا بتتسغل بشكل خاطئ من بعض الناس للترويج لنفسهم فقط.