يبحث طلاب الصف الثالث الإعدادي وأولياء الأمور حاليًا عن طريقة تسجيل استمارة التقدم لامتحانات الشهادة الإعدادية للعام الدراسي 2025-2026 مع قرب موعد الامتحانات وتسجيل الاستمارة الإلكترونية مهم جدًا.
شروط تسجيل استمارة التقدم لامتحانات الإعدادية
وزارة التربية والتعليم حطت شوية شروط لازم تتوفر عند الطالب قبل ما يبدأ يسجل الاستمارة، من أهم الشروط أن يكون عند الطالب حساب مدرسي موحد ومفعل على منصة البريد الإلكتروني التعليمي، الحساب ده هو المفتاح لكل الخدمات الإلكترونية، كمان لازم يكون عند الطالب شهادة ميلاد مميكنة فيها الرقم القومي، وصورة شخصية حديثة بخلفية بيضاء مطابقة لمواصفات بطاقة بيانات المدرسة، ولازم كمان يسدد رسوم الامتحانات من مكاتب البريد أو وسائل الدفع الإلكتروني المعتمدة، وبعد كده يرفق إيصال السداد مع الاستمارة قبل ما يسلمها للمدرسة، ومن المهم مراجعة كل البيانات بدقة قبل الطباعة علشان نتجنب أي أخطاء تعطل إجراءات اعتماد الاستمارة.
موعد امتحانات الشهادة الإعدادية 2025-2026
وفقًا للخريطة الزمنية المعلنة، امتحانات الصف الثالث الإعدادي هتبدأ في 17 يناير 2026 وتستمر لحد 22 يناير 2026، وبعد كده هيكون في إجازة نصف العام اللي هتبدأ في 24 يناير وتستمر لحد 5 فبراير 2026.
الأوراق المطلوبة لتقديم استمارة الشهادة الإعدادية
الوزارة طالبة مجموعة من المستندات الأساسية اللي لازم تتوفر مع ملف التقديم في المدرسة، منها شهادة ميلاد الطالب المميكنة وصورة شخصية حديثة وملونة بخلفية بيضاء، وكمان إيصال سداد رسوم الامتحانات، ولازم كمان صورة من بطاقة الرقم القومي لولي الأمر لإثبات البيانات، بالإضافة لكود الطالب اللي بياخده من المدرسة في بداية السنة الدراسية، المستندات دي مهمة علشان تضمن صحة البيانات المسجلة إلكترونيًا وتسهيل عملية اعتمادها.
رابط وخطوات تسجيل استمارة الشهادة الإعدادية
الطالب ممكن يدخل باستخدام الحساب المدرسي الموحد أو من خلال منصة Office 365 المعتمدة، وبعد تسجيل الدخول، ينتقل لمنصة الشهادات العامة ويختار خدمة التقدم لامتحانات الشهادة الإعدادية، ويطلب منه إدخال بياناته الشخصية بدقة، بداية من الاسم الرباعي وتاريخ الميلاد والرقم القومي ومحل السكن، وصولًا لبيانات المدرسة والإدارة التعليمية.
كمان لازم يرفع صورة شخصية مطابقة للصورة المسجلة في ملف الطالب بالمدرسة، وبعد كده يراجع كل البيانات قبل ما يحفظها، وبمجرد ما يخلص، يضغط على خيار الطباعة علشان يحصل على النسخة الورقية اللي لازم تتوقع وتختم داخل المدرسة.
التعليقات