هالاند يؤكد مشاركته في مباراة مانشستر سيتي ضد نوتينجهام

حسم إيرلينج هالاند، نجم مانشستر سيتي، موقفه من المشاركة في مباراة البوكسينج داي أمام نوتينجهام فورست، ضمن منافسات الدوري الإنجليزي الممتاز.

يستضيف نوتينجهام فورست مانشستر سيتي يوم السبت، في إطار الجولة الثامنة عشر من البطولة، والموسم الحالي 2025/26.

من ناحية تانية، المدير الفني لمانشستر سيتي، بيب جوارديولا، وجه تحذيرًا للاعبين قبل عطلة أعياد الميلاد، حيث أكد إنه مش هيسمح لأي لاعب يزيد وزنه بالمشاركة في مباراة نوتينجهام.

وقال جوارديولا في تصريحات صحفية: “يوم 25 ديسمبر هكون موجود عشان أتأكد من وزن اللاعبين، هما زادوا شوية، ممكن يأكلوا في عيد الميلاد، بس لازم أراقبهم عشان أعد قائمة الفريق للمباراة”

وأضاف: “تخيلوا لاعب عنده لياقة عالية وبعدين يظهر بزيادة وزن 3 كيلوجرامات، هيبقى في مانشستر ومش هيسافر لنوتينجهام، ده أكيد”

لكن هالاند رجع من الإجازة بوزن طبيعي، ونشر صورة على الميزان، وكتب “كل شيء على ما يرام”، وده يعني إنه هيشارك في مباراة السبت، وهيكون خبر سعيد لعشاق الفانتازي.

هالاند دلوقتي متصدر جدول الهدافين في الدوري الإنجليزي برصيد 19 هدف.