علق حازم إمام، لاعب الزمالك السابق، على أداء الفريق في مباراته ضد بلدية المحلة، اللي أقيمت النهارده، وانتهت بفوز الفارس الأبيض وتأهله لدور الـ16 من كأس مصر.
فاز الزمالك على بلدية المحلة بهدف نظيف في دور الـ32 من كأس مصر للموسم الحالي 2025-2026.
وقال إمام في تصريحات لقناة “أون سبورت”: الزمالك تراجع بشكل واضح في الشوط الثاني، ومقدرش يوصل لمرمى المنافس كتير
من ناحية تانية، أضاف: الزمالك عنده نقص وعدد من المشاكل، تغييرات اضطرارية، وأعجبني أداء السيد أسامة كظهير أيسر
وتابع: هجوميًا الزمالك مش في أفضل حالاته، مفيش خلق فرص كفاية، والهدف جاء من تحرك ذكي جدًا من ناصر منسي، هو اللي صنع الهدف بتحركه قبل ما توصل له الكرة
وأكمل: ناصر منسي واضح إنه الأفضل في الصندوق، قادر يتعامل مع الفرص ويحسمها بشكل جيد، وده باين جدًا لما نقارنه بعدي الدباغ
وأتم: مبروك للزمالك على النتيجة، لكنها مش مطمئنة فنيًا، والقادم أصعب، فيه شغل تكتيكي وفني كتير مطلوب من أحمد عبد الرؤوف
التعليقات