طارق يحيى، المدير الرياضي لنادي أهلي بني غازي الليبي، كشف عن أسباب فشل التعاقد مع محمد مجدي أفشة لاعب الأهلي، وأوضح تفاصيل مثيرة حول المفاوضات والموقف الحالي للفريق.
في تصريحات له على قناة “النهار”، أكد يحيى إن قبوله المنصب جاء بسبب تواجد طارق مصطفى كمدير فني للفريق، وده كان دافع كبير له.
وأضاف: “حد من الناس تحدث مع طارق مصطفى بخصوص التعاقد مع أفشة، وطارق رحب، وتواصل معي وكيل لاعبين مصري، ولما عرفت الرقم (اتخضيت) لكن أهلي غازي مش قادر يدفع الرقم ده”
وتابع: “الأهلي طلب في الإعارة مليون و750 ألف دولار، مليون للنادي و750 ألف لأفشة، ولم أتحدث مع أفشة أو الأهلي بخصوص الصفقة”
كمان طارق يحيى علق على عودة طارق مصطفى لمصر لتدريب الزمالك بعد رحيل أحمد عبد الرؤوف، وصرح: “طارق كان معايا لمدة 8 سنين في الإنتاج الحربي والسعودية، وهو مدرب مميز ولديه رؤية، والكلام اللي بيتقال عن عودته ملوش أساس من الصحة”
وواصل: “طارق مطلوب بشكل مستمر، الزمالك طلبه بشكل رسمي، وهو بكل احترام طلب من الزمالك إنه يتفاوض مع البنك الأهلي لكن النادي رفض لأنه متمسك به”
وعن المفاوضات مع الزمالك، قال: “لما سمعنا عن المفاوضات طلبت منه إنه يستخير، الظروف صعبة ونسبة النجاح مش عالية، الزمالك عنده مشاكل وقضايا ووقف قيد ولاعيبه عايزة تسيب النادي ومستحقاتهم متأخرة”
واستطرد: “الزمالك محتاج ساحر مش مدير فني، وقلت له لازم تشوف المجموعة الموجودة تساعدك على النجاح ولا لأ”
كما نفى يحيى إن طارق مصطفى مش على علاقة جيدة بجون إدوارد، وقال: “هم ما اشتغلوش مع بعض قبل كده، لكن مفيش حاجة رسمية من الزمالك مع طارق، ممكن يكون فيه تواصل ودي”
وأشار: “التوقيت الحالي محتاج مدرب مصري وفقًا للظروف المادية، المدرب المصري هو الأفضل لأنه قادر يشوف لاعبيه بسرعة، ومفيش فلوس تدفع دولارات”
وفي النهاية، قال: “لا أعرف جون إدوارد ولا قابلته قبل كده، لم أهاجمه كشخص أو وظيفة، لكن عندي اعتراض على تجريف النادي من رموزه”
التعليقات