مستقبل بعض اللاعبين في مانشستر سيتي مش واضح، ورغم عودة الفريق لمستواه بعد موسم صعب، إلا أن في شكوكي حوالين بعض العناصر، وده بيشمل ناثان آكي المدافع اللي مش بيلعب بشكل منتظم مع بيب جوارديولا.
آكي أثار تساؤلات كتير، خصوصًا بعد ارتباطه بالانتقال لبرشلونة، وده بسبب عدم مشاركته بشكل أساسي، وعلق على الموضوع وقال: “رونالد كومان مدرب هولندا قال لي إنه محتاجني ألعب أكتر، وصعب يستدعيني للمنتخب لو مش بلعب كثير، وده واضح”
وأضاف: “كل لاعب عايز يلعب أكبر عدد من المباريات، وفي نفس الوقت مقدر مستوى الفريق واللاعبين في مركزي، لازم أستمر وأنتظر فرصتي، كل اللي أقدر أقوله إني هكافح”
ومن ناحية تانية، آكي أشار لرغبته في اللعب في كل مباراة، وقال: “مش هقول إنه لازم ألعب لأن روبن دياز وجوسكو جفارديول ونيكو أوريلي وخط الدفاع كله شغال بشكل ممتاز”
وأنهى كلامه: “كل لاعب نفسه يلعب، وكل اللي أقدر أعمله هو الكفاح للحصول على الفرص، ونشوف اللي هيحصل في المستقبل”
جدير بالذكر إن آكي شارك مع مانشستر سيتي في 13 مباراة من بداية الموسم، ولعب 595 دقيقة فقط.
التعليقات