الغردقة هتكون تحت الأضواء الفترة الجاية، مع اقتراب بطولة Red To Med Judo Clash، واللي بتعتبر واحدة من أقوى بطولات الجودو في العالم، والكل مستنيها بشغف كبير تحت قيادة محمد مطيع رئيس الاتحاد المصري للجودو.
البطولة هتقام يومي 19 و20 يناير، ومشاركة لاعبين من 13 دولة مختلفة، المنافسات هتكون قوية وبتعكس المستوى الفني العالي للبطولة، واللاعبين المصريين هيكون عندهم فرصة احتكاك حقيقي مع مدارس عالمية في جو تنافسي يليق باسم مصر وتاريخها الرياضي.
تنظيم البطولة ده جزء من رؤية واضحة لمحمد مطيع، اللي ماسك زمام اتحاد الجودو بعقلية تطويرية وبتعتمد على التخطيط طويل المدى، وده بان بشكل واضح في النشاط المكثف اللي بيشهدوا الاتحاد سواء محليًا أو دوليًا الفترة الأخيرة.
البطولة بتنظم بالتعاون بين الاتحاد المصري للجودو والشركة المتحدة للرياضة، في نموذج احترافي للتكامل بين المؤسسات الرياضية، والهدف هو تعزيز مكانة مصر كمركز إقليمي لتنظيم البطولات الدولية ورفع كفاءة اللاعبين فنيًا وبدنيًا.
البطولة كمان مرتبطة بالخطة الاستراتيجية لإعداد المنتخب المصري لدورة الألعاب الأولمبية في لوس أنجلوس 2028، اتحاد الجودو ماشي بخطوات مدروسة لبناء جيل قادر على المنافسة عالميًا، ومشروع متكامل بيقوده محمد مطيع بكل ثقة، عشان الجودو المصري يكون على الطريق الصحيح نحو العالمية وتحقيق ميدالية أولمبية لمصر.
التعليقات