أحمد حسن لميدو: الاعتذار واجب ولو كنا نملك السحر لصعدنا كأس العالم

أحمد حسن، كابتن منتخب مصر السابق، انتقد تصريحات أحمد حسام ميدو، لاعب الزمالك السابق، وطالبه بالاعتذار للجيل الذهبي وللكابتن حسن شحاتة.

قال أحمد حسن في برنامج “الكابتن” على قناة “DMC”: “ميدو لازم يعتذر لنجوم الجيل الذهبي اللي لعب معاه، احنا كسبنا أفريقيا بتعبنا ومجهودنا، مش بالسحر”.

وتابع: “ميدو شخص يحب الجدل، بس مش في الموضوع ده، مش ممكن نقلل من مجهود زملائنا، احنا حققنا بطولات بالعرق مش بالسحر”.

وأشار: “لو كنا بنكسب بالسحر، ليه ما وصلناش كأس العالم رغم إننا كنا نستحق؟”.

وأضاف: “ما قاله ميدو عن أن الجمهور فهم كلامه غلط غير صحيح، احنا قدمنا بطولات قوية، والعالم كله أشاد بينا في 2008، تصديات الحضري، هل كانت حظ؟ هدف عمرو زكي في كوت ديفوار كان حظ؟ كل ده حظ وسحر؟”.

وذكر: “ميدو كان بيرتدي رقم 15 بسبب حسام حسن اللي كان رقم 9، وفي غيابه كان بيلبس الرقم 9”.

واستكمل: “ميدو قال إنه في 2010 كان أهم لاعب في الزمالك، بس أنت لعبت 11 مباراة من أصل 15 وسجلت هدف واحد فقط”.

واختتم أحمد حسن حديثه: “أنا بحب ميدو، لكن مش من المعقول تقلل من مجهود 6 سنين لجيل ذهبي ارتبط به الجميع، لازم تعتذر للجميع وللكابتن حسن شحاتة”.