كورتس جونز، لاعب ليفربول، قال إن زميله محمد صلاح هو واحد من أفضل اللاعبين اللي شافهم في حياته، واعتبر رحيله خسارة كبيرة للمدينة كلها مش بس للفريق.
صلاح مع ليفربول من 2017 بعد ما انتقل من روما، ونجح في تحقيق إنجازات كبيرة زي الدوري الإنجليزي لأول مرة بعد 30 سنة، وكمان دوري أبطال أوروبا وكأس العالم للأندية.
جونز صرح لموقع Liverpool.com وقال: “محمد صلاح واحد من أفضل اللاعبين اللي لعبت جنبهم، وواحد من أعظم الرياضيين”
صلاح كان أعلن إنه هيغادر ليفربول بنهاية الموسم الحالي 2025-2026، وبكده هينهي 9 سنوات من النجاح مع الريدز.
جونز أضاف: “شفت إزاي صلاح بيشتغل بجدية وراء الكواليس، وهو رياضي متميز، وبيهتم بنفسه، وكمان بيساعد اللاعبين الشباب اللي انضموا للفريق الأول”
استكمل جونز: “صلاح ساعدني كتير لما كنت لاعب صغير، عمل حاجات كثيرة ليا خاصة لما كنت بواجه إصابات أو أزمات مع الجهاز الفني”
وواصل: “صلاح هو ملهم لنا، ورحيله هيكون خسارة للمدينة كلها، مش بس للفريق، لأنه بنى روابط قوية مع الجميع، وغيابه هيكون خسارة لأسطورة في تاريخ النادي”