بعد تصدره التريند.. أول تعليق من صاحبة فيديو أجواء رمضان في مصر - أحداث اليوم

الأحد 02/مارس/2025 - 07:42 م

تصدر فيديو لـ أجواء رمضان في مصر تريند مواقع التواصل الاجتماعي خلال الساعات الماضية، حيث تداول مستخدمو السوشيال ميديا الفيديو، بعد تصوير إحدى الفتيات للفيديو من نافذة الطائرة خلال عودتها إلى مصر، وظهرت فيه الأجواء الرمضانية من الزينة والأنوار، مما آثار إعجاب متابعي منصات التواصل. 

وقالت فيرا محمود مصطفى في تصريحات خاصة لـ القاهرة 24: لما صورت الفيديو كنت راجعة من النرويج وراكبة الطيارة، وكنت زعلانة إني سبت النرويج جدًا والشفق القطبي، ولما شفت منظر الزينة والأنوار من الطيارة فرحت جدًا، واتبسطت وحسيت ببهجة مش طبيعية. 

أول تعليق من صاحبة فيديو أجواء رمضان في مصر 

وتابعت: الفكرة إني سافرت النرويج عشان الشفق القطبي، بس لما سبتها هناك جيت لقيتها هنا، وكمان لما صورت الفيديو مكنتش متخيلة إنه هيبقى تريند خالص، وكانت مفاجأة بالنسبة ليا إن الناس عجبها واستغربت من رد فعل الناس، واتبسطت في نفس الوقت لأن الموضوع مبهج ومختلف بالنسبة لي. 

واختتمت: شايفة إن الاحتفال برمضان من الحاجات الجميلة جدًا، وبتبعت البهجة في قلوب الناس، وزمان كانت فرحة رمضان كبيرة وحلوة، بس دلوقتي شايفة إن فيه اهتمام أكبر بموضوع الاحتفالات عن زمان، وفيه أشكال كتير من الزينة والأنوار، والناس بدأت تهتم بالحاجات دي مؤخرًا أكتر من الأول.