عبر الأنجولي جيرالدو لاعب النادي الأهلي عن سعادته الكبيرة بالفترة اللي قضاها داخل النادي، مؤكدًا إنه بيته الثاني والفرحة معاه كانت غير أي فرحة.
وقال جيرالدو في تصريحات عبر قناة “أون سبورت”: “الأهلي مش مجرد نادٍ بالنسبة لي، هو بيتي الثاني، وأنا فخور بالنادي وأكتر لحظة محفورة في رأسي هي إحساس الفوز في البطولات الكبيرة، خاصة لما تشوف تعب موسم كامل يتحول لإنجازات مع الجماهير”
وتابع: “بتخيل الذكريات وأنا في النادي من أول ما بكون موجود وقت الغداء، وأنا في تركيا حاليًا وكان فيه مقابلة مع تريزيجيه وفكرني بكل الذكريات بمجرد ما بشوف حد له علاقة بالنادي بفرح وبفتكر كل اللحظات، واسم الأهلي بيفرحني”
وأكمل: “أي لاعب كرة قدم بيكون عنده حظ سئ في بعض الأوقات، وكرة القدم حظوظ، ولما أخدت أكتر على المكان والأجواء المصرية المختلفة عن إفريقيا وسط الجماهير، ظهرت بشكل أفضل، ومصر بتتشبه بالبرازيل، والجمهور المصري قوي وله رهبة خاصة جماهير النادي الأهلي”
وذكر: “مبسوط وسعيد إني كنت ضمن هذا الفريق الكبير وسعيد بالوقت اللي قضيته داخل النادي”
واستكمل: “أي لاعب بيلعب في الأهلي مش بس جيرالدو، بيتمنى إنه يكمل مسيرته الكروية كلها داخل النادي مع البطولات والأجواء اللي بتحبها، ولو لاعب قضى 10 سنين بتمر بسرعة، واحترمت وجهة نظر النادي في رحيلي وكذلك مديري الفني، وأنا لسه بمتابعهم، لأنها أفضل مسيرة في حياتي، وكان حلم إني ألعب في نادي إفريقي كبير، وربنا أكرمني إني حققت ده”
وعن تسوية مستحقاته مع الأهلي، قال جيرالدو: “كل حاجة بتكون سهلة مع الأهلي لأنه نادي كبير إفريقيا ومصريًا”