طارق مصطفى، نجم الكرة المصرية السابق، يرى إن مباراة الزمالك وبيراميدز هتكون من أجمل مباريات الدوري هذا الموسم.
وفي حوار مع كريم رمزي عبر راديو ميجا إف إم، قال طارق: “لو كنت مكان معتمد جمال، مش هعتمد على الضغط العالي ضد بيراميدز، لأن الفريقين عندهم لاعبين عندهم حلول فردية أكثر من الأهلي والزمالك”
وكمل: “أتمنى يستغل الزمالك السرعات اللي عند خوان بيزيرا أمام بيراميدز، الفريق عنده حلول كتير، ولو الزمالك ما قدرش يكسب، هتكون الأمور أصعب في سباق الدوري”
وعلى جانب آخر، طارق مصطفى انتقد انتقادات جماهير الأهلي للاعبي الفريق، واعتبر إن السبب الأساسي هو المدرب، لأنه المسؤول عن تطوير اللاعبين وتحسين أدائهم.
وطارق شايف إن أزمة الأهلي في الفترة الحالية في المدير الفني ييس توروب، وأكد إن فيه علامات استفهام حوالين اختياره.
وأوضح: “مشكلة الأهلي دلوقتي في المدرب، وفي تساؤلات حول اختياراته، خاصة مع وجود توظيف غير مناسب لبعض اللاعبين في الفترة الأخيرة، وكمان قوة شخصية المدرب عامل مهم في تحسين الأداء”
واستكمل: “الكابتن محمود الجوهري كان من أفضل المدربين اللي تدربت تحت قيادتهم، وكان دايمًا يقول إن فيه لاعبين بيصنعوا مدرب، ومدربين بيصنعوا لاعبين، وده اللي الأهلي محتاجه دلوقتي في بعض المراكز”
واختتم: “مشكلة الأهلي مش بس في المهاجم، لكن كمان في مركز تحت المهاجمين، واللي هو مفتاح لعب مهم مش قادر يؤدي دوره بشكل جيد في الفترة الأخيرة”