إبراهيم عادل لاعب الجزيرة الإماراتي المعار لنورشيلاند الدنماركي أشار إلى إن الانتماء في كرة القدم بقى شبه معدوم عند اللاعبين في الوقت الحالي.
وصرح إبراهيم عادل لقناة أون سبورت قائلاً: “عائلتي تشجع الأهلي وبيراميدز، وارتداء قميص الأهلي أو الزمالك شرف لأي لاعب، لكن دلوقتي الكرة بقت “بيزنس” واللاعب بيدور على الفلوس اللي هيحصل عليها”
وأضاف إبراهيم: “الجماهير لازم تفهم إن مفيش انتماء عند اللاعبين، ومش لازم يتضايقوا لو لاعب مشي من النادي”
وتابع: “لو في فرصة للاعب إنه ينتقل لمنافس مع فلوس أكتر، هيعملها حتى لو كان لابس قميص ناديه، الكرة بقت احتراف، ومش زي زمان، ولازم الجماهير تفهم كده”
واختتم إبراهيم عادل تصريحاته بقوله: “الجماهير لازم تعرف إن النادي هو اللي بيمنح اللاعبين القيمة الأكبر، ولما يرحلوا الأمور هتستمر من غيرهم”
إبراهيم عادل: أبلغت الأهلي برغبتي في الاحتراف بأوروبا
إبراهيم عادل كشف إنه اتلقى اتصالات من مسؤولي الأهلي للانتقال لصفوف القلعة الحمراء.
وقال إبراهيم عادل خلال ظهوره على قناة أون سبورت: “الأهلي تواصل معايا عن طريق محمد النني برسالة من سيد عبد الحفيظ للانتقال للأهلي في الانتقالات الشتوية في يناير، لكني أبلغتهم برغبتي في الاحتراف بأوروبا، وحسام الزناتي هو اللي تواصل معايا وعرض علي الانتقال لنورشيلاند”
وواصل إبراهيم حديثه قائلاً: “كان عندي عرض من بيراميدز بالتجديد لمدة 3 مواسم، لكن فضلت أروح الجزيرة، وكان فيه عرض من لوجانو السويسري بقيمة 3 ملايين دولار، لكن إدارة بيراميدز رفضت، واتفقنا في الجزيرة إنه لو وصلني عروض أوروبية لازم يوافقوا لأنني عايز الاحتراف الأوروبي”