إدارة نادي الزمالك شغالة على إعادة ترتيب الفريق من الناحية الفنية والمالية، خصوصًا مع الأوضاع الاقتصادية اللي بيمر بيها النادي، وكمان بتدرس مجموعة من الخطط لتحقيق توازن بين الاستقرار الفني والاستفادة المالية من بعض اللاعبين.
النادي كان منتظر عرض من أحد الأندية العربية للتعاقد مع اللاعب بيزيرا خلال فترة الانتقالات الصيفية الجاية، وده بعد ما ظهر كخيار ثالث للرحيل بعد ناصر ماهر ودونجا، ضمن خطة لحل الأزمات المالية اللي بتواجهه.
الإدارة فكرت في بيزيرا كاستثمار، لأنها شافت إنه ممكن يجذب عروض تتراوح بين 4 ل5 مليون دولار، وده كان هيخفف جزء كبير من الضغوط المالية على النادي.
وبالفعل، الاهتمام العربي باللاعب موجود، وفي أكتر من جهة بتتابعه، ومع وجود نية لتقديم عروض رسمية خلال الصيف، لكن الأهم دلوقتي هو إن إدارة الزمالك استقرت على عدم التفريط في اللاعب الفترة الجاية بعد التنسيق بين إدارة الكرة ومجلس الإدارة.
القرار ده هيكون أقوى لو الفريق توج ببطولة الكونفدرالية، اللي هتقدم عائد مالي يقدر بـ 4 مليون دولار، وهيكون مفيد لحل أزمة القيد وكمان لدعم الفريق للموسم الجديد، وبالتالي مفيش نية لرحيل بيزيرا حتى لو وصل عرض مالي مغري.
بالنسبة للاعبين المرشحين للاحتراف، حسام عبد المجيد هو الاسم الوحيد اللي ممكن الزمالك يوافق على رحيله بشرط وصول عرض يتجاوز 4 مليون دولار، بما يحقق رغبة اللاعب في خوض تجربة احترافية ويضمن للنادي استفادة مالية مناسبة.