حمادة طلبة، نجم الكرة المصرية السابق، اتكلم عن أداء أحمد سيد زيزو مع الأهلي ووصّف إنه مش مستواه اللي كنا متعودين عليه قبل ما ينتقل من الزمالك.
طلبة قال في تصريحات مع سهام صالح في برنامج الكلاسيكو إن زيزو نسي الكرة مع الأهلي، وإنه مش عامل أي بصمة مع الفريق، ورحيله عن الزمالك أثر بشكل كبير على مستواه وبقى متراجع، وكان لازم الزمالك يحترم الأهلي أكتر، ومن ناحية تانية، اتكلم عن تصرفات ناصر منسي اللي شاف إنها خاطئة، بالرغم من إن الزمالك متصدر الدوري ومش مباراة الأهلي هي اللي هتخسرهم البطولة، الزمالك أقرب لحصد الدوري الممتاز.
وانتقل طلبة للحديث عن أشرف بن شرقي، النجم المغربي، اللي سجل هدفين في مباراة القمة، وقال إنه ما زال زملكاوي وبيشجع الزمالك، وما احتفلش بأي هدف سجله ضدهم بعد ما انتقل للأهلي، ومعتمد جمال كان لازم يحافظ على الأهلي لو كان عايز يكسب الماتش، بالإضافة لكون دفاع الأهلي ضعيف جدًا، لكن أحمد رمضان بيكهام فاجأه بمستواه الجيد.
في النهاية، طلبة عبّر عن زعله من لاعيبة الزمالك، لأنه لما يكسبوا مباراة، بيبالغوا في الفرح، لكن الأهلي كسب الزمالك 3-0 ومشي بهدوء، ولو الزمالك كسب سموحة هيبقى نقطة تحول كبيرة، وكابتن معتمد قدم أداء عالي الموسم ده مع الزمالك، وجماهير الزمالك هم السند الحقيقي للنادي، الموسم ده أفضل موسم في الدوري من فترة طويلة، لكن معتمد جمال أخطأ في التشكيل في مباراتين إنبي والأهلي، بس مش عايزين نقسي عليه، لأنه طمعنا في الدوري بعد ما كان الكل مش شايف الزمالك بعيد، إنبي من أفضل الفرق ضمن السبع فرق اللي بتنافس على التتويج، ومعتمد جمال لما غير في التشكيل من ماتش إنبي بدأ الأمور تروح منه، وبيتحمل مسؤولية التعادل ضد إنبي والخسارة من الأهلي، والدفاع كان ضعيف جدًا.