في تصريحات جديدة لثروت سويلم عضو رابطة الأندية، أكد إنه الرابطة واقفة مع نادي الزمالك في نهائي الكونفدرالية الأفريقية وبتدعمه بكل قوة.
سويلم قال في حديثه مع كريم رمزي على راديو ميجا اف ام إن كل الأندية مع الزمالك في النهائي وإنه حصل سوء فهم لتصريحاته حول مباراة الزمالك وشباب بلوزداد، وأكد إنه قال في برنامج إنه لم يتم عرض تأجيل أي مباراة للزمالك بسبب النهائي.
وأضاف سويلم: كلنا مع الزمالك عشان يحقق اللقب، فيه تجاوزات حصلت وأنا في منصب تطوعي، وقلت إن الإنجاز اللي حققه الزمالك شيء يحسب له، وحتى أكثر المنتميين للزمالك ماكنوش متخيلين إنه يوصل للحالة دي
واستكمل حديثه: أنا شخص واضح، وموضوع دمج الأندية صعب تنفيذه، فيه قانون رياضة وطريقة معينة لدعم الأندية الشعبية، الموسم الماضي لعبنا الهبوط مجاملة للنادي الإسماعيلي وكل الأندية وافقت على إلغاء الهبوط لكن المرة دي كانت الأخيرة، ومفيش إلغاء للهبوط تحت أي بند